著數熊日記 之 物輕情意重 口罩好有用

🔆【物輕情意重 口罩好有用】#著數熊日記 ❣️

👀 唔知有冇朋友仔收到呢份 #寄到府上 嘅口罩呢？唔記得？先嚟回顧下，再聽🐻講個故事 😝

🌙 話說有一晚有個朋友仔Share咗個活動俾 Jetso Bear。當時 🐻 睇完之後諗咗好耐出唔出。因為活動方嘅FB 專頁唔多人，而個Post已經出咗半個月，都係得3個人留言🧐 考慮到活動嘅可信性，就唔敢冒然分享出嚟。就係咁，🐻 Look 完又 Look，🔍睇咗官方嘅Page，佢哋嘅網站啦，地址啦，業務啦，覺得應該OK，於是喺已經好夜嘅12點，出咗個Post 😄

🕛 估唔到已經夜晚12點，但一出post後好多朋友仔齊齊走去玩，原本得3個人留言嘅post，好快就有過百留言，超出官方話送出嘅 #110個名額🤪 Jetso Bear 從來都冇諗過，啲post係有咁多人睇。因為🐻一直以嚟只可以從Like中去知道大概有幾多人睇緊，但原來好多人都係好低調嘅😅 營運一個Page當然希望 #多Like有肯定，但🐻都知道，人人習慣都唔同，有人鍾意同🐻互動，有人鍾意默默睇下就算數。點都好啦，Jetso Bear本來就係Happy Share~ 🤗 最緊要大家覺得資訊都OK有用👍🏻

📮 今日呢🐻就收到口罩喇，唔知有冇人都收到呢❓

💬 係喇，仲想講下尋晚關於送 #5000份口罩嘅post。原本見到問卷最後問 #電話及幾時方便打俾你時，🐻都冇諗住登記。但為咗了解下當中情況，都係登記咗✍️

📱 今日下晝，就收到一個 #手提電話號碼 嘅來電，對方提及問卷，話會送口罩到府上，會為你屋企做一個20分鐘嘅消毒，你只需要 #安坐沙發 🛋️ 就得。喺 🐻 婉拒對方後，佢亦表示理解疫情期間大家唔希望有外人到訪。並表示疫情緩和後，可隨時聯絡佢哋再安排。就係咁就收線喇，過程中對方語氣同態度都客氣嘅。所以登記咗嘅朋友仔，自己決定是否接受有人「上門服務」。因為🐻無法進一步再知道上門後嘅情況 😅

💤 每次著數熊日記都想簡單幾句講完，但長氣嘅🐻次次都變成長文😑 而家真係講完喇～#多謝收睇 👋

記住設定Jetso Bear專頁為「搶先看」呀！
———————————-
► 著數熊網站 🌍
► jetsobear.com
———————————-
► Follow埋我哋嘅IG 😍
► instagram.com/jetsobear
———————————-
► 加入我哋Telegram 🛫
► t.me/jetsobear
———————————-