【強檢消息】8 月 10 日 55 個指明地方被納入強制檢測公告

【強檢公告】因應多宗陽性檢測個案，50 個指明地方被納入強制檢測公告；另外，因應喺赤柱、長沙灣、葵涌同天水圍採集到檢測呈陽性嘅污水樣本，有 5 個指明地方亦被納入強檢公告。喺指明時段去過呢啲地方嘅話就要按時完成強制檢測。政府強烈提醒市民必須嚴格遵守相關要求，唔可以用快速抗原測試代替。政府會繼續全力追蹤曾經去過有關地方並可能受感染人士，並嚴肅跟進相關人士有冇遵從檢測公告。另外，政府今日會喺薄扶林華貴邨、赤柱龍德苑、黃大仙天馬苑同葵涌安蔭邨增設或重開流動採樣站。而位於薄扶林華富（二）邨、鴨脷洲邨、深井碧堤半島同荃灣梨木樹邨嘅流動採樣站今日亦會恢復運作；入連結睇睇邊個檢測點最就腳