登記免費領取 紅樹林電子刊物

[登記免費領取紅樹林電子刊物]
唔知大家過去兩年有冇因為疫情而去多咗郊外遊玩？又會唔會因此想認識更加多香港嘅動植物呢？為咗幫忙生態初學者探索香港紅樹林，我地設計咗一本導賞冊《走進紅樹林的世界》，介紹香港8種真紅樹、紅樹林常見嘅動植物、以及海洋垃圾問題，最後亦提供咗兩個一家大細‍‍‍可以係紅樹林進行嘅活動。

此外，我地都為配合中小學課程，設計咗《微塑膠與紅樹林可持續發展 中小學教材套》供中小學老師使用‍。教材套包含咗4個教案，包括小實驗、小組討論、小遊戲等，亦附上補充資料助教師全面認識有關主題。

兩份電子刊物嘅製作都由環保基金及環境運動委員會贊助，亦因此各位市民可以免費領取。為咗統計領取人數，有興趣嘅朋友請透過以下連結登記電子郵件地址，我地將於3個工作天內把刊物連結分享給你。請留意，我哋嘅電郵有機會落入垃圾郵件。

如有任何查詢，歡迎致電26670992聯絡嚴先生。