【西貢海藝術節｜用藝術品認識鹽田梓ｘ橋咀洲！】
西貢海藝術節今日開鑼喇！今日（11月16日）起至2023年1月15日，鹽田梓同橋咀洲會展出一共9件由本地藝術家創作嘅藝術品，分別散落喺兩個島嘅不同景點，包括碼頭、鹽田濕地、玉帶橋等地標。遊客可環島打卡，欣賞風景同時透過藝術品認識兩個小島嘅文化、歷史同宗教等！
「西貢海藝術節」將連續舉辦3年，主題為「再島嶼 Joy Again, Isle」。於藝術節期間，會有一系列嘅免費展覽、導賞團活動同工作坊，包括製鹽工作坊同與藝術家對談等等，需網上預約報名。
另外，於藝術節期間，遊客亦可以試試「跳島街渡體驗」期間限定船票— 由西貢碼頭出發，包括去程、跳島同回程三程航程，可因應需要而選擇登船時間，需網上預購，大家唔好錯過喇！按圖即睇精選藝術品：
「西貢海藝術節 2022」
日期: 2022年11月16日至2023年1月15日
開放時間：星期一至日，公眾假期如常開放（藝術節大使當值時間為早上10時至下午5時）
地點: 西貢鹽田梓及橋咀洲
交通: 網上預約「跳島街渡體驗」船票或於西貢公眾碼頭乘坐街渡到達鹽田梓及橋咀洲，需時大約20分鐘
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
西貢海藝術節