#活動快訊【漁館重新開放喇！】
以漁業為主題嘅展覽館 —「漁館」今日起以全新面貌開放畀公眾免費入場參觀。
「漁館」介紹香港漁業歷史、捕撈同埋養殖漁業嘅現況，以及現代化養殖模式嘅發展。館內五個吉祥物 —「黃唇老師」、「紅衫」、「青衣」、「黃鱲鯧」同埋「烏頭」，都係好有代表性嘅本地捕撈同養殖魚種，佢哋會帶大家參觀漁館，多角度認識本地漁業。
今次翻新除咗提供最新漁業資訊外，亦加入好多多媒體同互動元素，透過模型、標本、動畫同互動遊戲，令大家了解本地漁業嘅特色。
大家趁聖誕假期一於去「漁館」參觀下！
開放時間：9:30 – 16:30（逢星期二、農曆年初一及初二休館）
地址：西貢蕉坑獅子會自然教育中心
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
漁農自然護理署