政府 停止深喉唾液樣本收集包 派發及收集服務

【服務停止】經檢視使用情況同市民需求，政府會停止深喉唾液樣本收集包嘅派發同收集服務。由12月24日起，醫管局指定普通科門診診所、郵政局同港鐵站會停止派發深喉唾液樣本收集包。而由下年 1 月 1 號起，醫管局指定普通科門診診所、衞生署診所同政府場地亦會停止收集深喉唾液樣本。

因應有關服務調整，政府12月24日起唔會繼續賦權註冊醫生發出書面指示，規定按其臨牀判斷懷疑已染上 2019 冠狀病毒病嘅人士，以深喉唾液樣本等方式接受核酸檢測。大家記得留意嘞！