搶包山比賽」今個星期日就會喺長洲北帝廟遊樂場足球場舉行！想近距離欣賞選手施展渾身解數就要記住，大會喺晚上10點開始派發免費入場券 ，大家可以去到長洲消防局側嘅北社一里沿冰廠路排隊輪候，每人一張，先到先得，額滿即止。
交通攻略：
新渡輪喺5月13日凌晨1時15分提供一班特別航班由長洲前往中環， 巴士公司亦會喺凌晨1時10至凌晨2時30分，加開特別巴士路線隧巴104R由中環五號碼頭前往旺角。此外，由港澳碼頭開出嘅通宵巴士路線，包括城巴N8X（往小西灣）、N90（往海怡半島）、隧巴N182（往廣源）、N619（往順利）、N373（往粉嶺）以及N368（往元朗西），將由約午夜12時至約凌晨2時50分，陸續改道經中環五號碼頭，方便大家參與「包山嘉年華2019」 。