【裸買生活節限定工作坊】#天然手工潤唇膏工作坊 #咖啡渣艾草蚊香工作坊 #拉菲草手繩工作坊
1. 天然手工潤唇膏工作坊
2/9 (六) 15:30-17:00 (名額8人)
潤唇膏係最常用嘅護膚品之一，無論男仔定女仔，嘴唇一乾都會搽。但係市面上好多 #潤唇膏 都加咗大量嘅添加劑同香料，長期用對身體唔好㗎為咗大家嘅健康着想，今次開班教大家用天然材料，製作屬於自己、獨一無二嘅潤唇膏，用起上嚟都放心啲~ 大人細路都啱用㗎！
***請參加者自備潤唇膏筒
2. 咖啡渣艾草蚊香工作坊
3/9 (日) 15:30-17:00 (名額15人)
想防蚊又唔想傷身，嚟裸買生活節自製咖啡渣艾草蚊香！咖啡渣入面嘅咖啡因係一種天然驅蚊殺蟲劑；艾草作為中藥，會產生揮發性物質。兩者都會散發蚊蟲討厭嘅味道，令佢哋「聞」之色變，有咁遠走咁遠！
***請參加者自備容器拎走製成品
3. 拉菲草手繩工作坊
3/9 (日) 17:00-18:30 (名額8人)
#拉菲草 係棕櫚植物嘅葉脈纖維，生長喺熱帶同亞熱帶地區。佢含有天然嘅樹脂，令佢有光澤又柔韌，仲有一定嘅防水功效㗎！今次工作坊會教大家用拉菲草編織手繩，整畀自己又得~ 做 #朋友手繩 或者 #情侶手繩 又得~
名額有限，有興趣唔好錯過！快啲報名喇~~
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
綠領行動 Greeners Action