GOODS-CO 屯門社區轉物會 免費領取二手好物

【GOODS-CO社區轉物會 @ #屯門】
GOODS-CO 今個星期六 (12月2日) 將會去到其中一個最多街坊詢問嘅地區，就係屯門！GOODS-CO將會同 #基督教香港信義會尊聖堂 合作，舉辦「社區轉物會」。

每場「社區轉物會」都會設置「遊戲區」同「資訊區」，以增加大家對二手重用文化嘅認識，仲有處理閒置或二手物品小貼士。而且仲會設置「二手轉物區」，可以即場免費接收二手嘅小型家電、兒童用品或廚房用具。

附近嘅街坊亦可以帶同二手 #小型家電 、 #兒童用品 或 #廚房用具 免費送俾有需要嘅人。到時一齊嚟玩啦！

轉物會詳情
日期：12月2日 (星期六)
時間：上午10:00 -下午5:00
地點：基督教香港信義會尊聖堂 (新墟青賢街15號)

惡劣天氣安排：
如活動前一天下午2時或之後懸掛八號或以上颱風訊號，當日活動將會取消。
如活動當日前3小時之後懸掛紅色或黑色暴雨，當日活動將會取消。

轉物詳情
街坊可即場接收二手好物；亦可以帶同指定二手好物，免費轉贈至有需要人士。
物品狀況：確保能夠獲得二次利用，功能或外觀請有八成新。
物品類型：
小型家電 [四電一腦以外的電器，例如風扇、電話、風筒、吸塵機、燙斗、LED燈等]
兒童用品 [玩具(毛公仔除外)、文具、精品]
廚房用具 [煮食用具、食物盒，例如多功能煲、電磁爐、電水壺、電飯煲、蒸焗爐等]
＊其他類型建議用GOODS-CO平台免費送出或接收

一齊締造一個既關愛又可持續發展嘅社會
部份二手好物更會經由GOODS-CO免費轉贈至180+個社福機構，以及於日後所舉辦的社區轉物會中，免費轉贈至有需要人士手上。