【開始向公眾收集利是封啦】初十啦，唔知大家今年逗咗幾多利是呢? 再過多幾日去到十五就可以拆利是啦，你哋又打算點樣處理啲利是封呢?
最新調查發現，香港人平均每年用3.2個利是封，相當於斬咗16,300棵樹呀 你哋唔係打算用完即棄掛？
回收固然係一個好嘅選擇，但係而家啲利是封愈印愈精美，又熨金又UV，其實好多都不利回收㗎，所以自己留起重用就係最好！如果仲係太多，可以交俾我哋，經過整理後出年再免費派畀市民重用減少節日浪費，保護森林
由即日起至17/3，大家可以到全港超過400個公眾回收點，包括商場、個人護理產品店、屋苑、商鋪及食肆等，將利是封放入指定收集箱，一齊減少浪費！
不過唔係所有利是封都適合拎去回收重用 ！唔想浪費咗呢份心意，送去回收前要睇清睇楚啦 ！
千祈唔好將以下利是封放入收集箱：
1. 有生肖、年份或姓氏
2. 自動黏貼封口
3. 寫咗字或畫花咗
4. 有釘或有釘痕
5. 有摺痕或破損
唔符合條件嘅利是封點算呢？大家可以留喺屋企重用，又或者發揮一下創意小宇宙 ，用嚟造手工，最後先係廢紙回收
利是封公眾回收點地址（持續更新）
請注意，綠領行動 辦事處不會收取任何利是封
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
綠領行動 Greeners Action