【快閃圖書館再次現身維園花卉展覽】
春暖花開，又係時候去維多利亞公園觀賞香港花卉展覽喇～到時快閃圖書館將會喺3月15日至24日現身花展，於花見廊為大家送上以「童話」為主題嘅活動。記得睇完花之後，帶埋小朋友過嚟睇書、玩遊戲、攞紀念品，喺繁花之中享受快樂嘅親子時光。
提提你，記得預早喺呢個帖文下面留言「我想去快閃圖書館！」，然後將留言截圖，到時去接待處Show畀小幫手睇，就可以獲得精美紀念品乙份～數量有限，換完即止。約定你到時見
多個精彩活動：
1.主題書籍展覽及閱讀區：準備咗有關花卉、種植同埋各種童話書籍，有興趣可以過嚟坐低慢慢睇。
2.電子閱讀體驗：即場試用圖書館嘅電子書同電子資源，在場會有大使為大家解決疑難。
3.互動遊戲牆：牆上會貼有一個大迷宮，畀小朋友動動腦筋，搵出正確嘅路線。
4.趣味手作區：當日可以過嚟填顏色同做小手工，展現無限創意～
5.花海打卡點：現場預備咗吸睛嘅花海背景裝飾，歡迎大家過嚟盡情打卡。
6.快閃印章歷奇：喺各個活動區完成活動後並集齊所有印章，就可以去接待處換領精美紀念品！
特備節目：
逢星期五、六、日仲會有特備節目畀大家參與，將會喺花見廊舞台同埋綠化活動工作坊攤位舉行，即刻Mark定活動時間啦！
親子植物拓印工作坊
時間：14:00-15:30及16:00-17:30（五）
親子創意扭氣球工作坊
時間：14:00-15:30及16:00-17:30（六、日）
故事大使講故事
時間：14:30-15:30及16:00-17:00（六、日）
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
喜閱．飛越