「麥兜與麥太」 觀光電車出巡

【 「麥兜與麥太」 觀光電車出巡喇！】

要用最地道嘅方法遊覽香港，當然就要搭叮叮啦～！香港電車係世界上最大型仍然服務中嘅雙層電車車隊，擁有165架電車。除咗有早前提及過最經典嘅戰後型電車（120號）、最新出街嘅巨型廣告電車（300號）外，不得不提嘅仲有「電車全景遊」觀光電車（68號）！呢架電車外觀仿1920年代電車製造，復古得嚟配搭開蓬設計，最啱用嚟飽覽醉人景色。

麥太、麥兜兩母子試過坐山頂纜車去馬爾代夫，唔知今次佢地搭叮叮又諗住去邊到玩呢？

「麥兜與麥太」 觀光電車*出巡班次如下^：

由上環（西港城）總站至銅鑼灣總站：10:00；13:45；16:15

由銅鑼灣總站至上環（西港城）總站：11:15；15:00；17:30

*車上不設「麥兜與麥太」影相位，歡迎街坊沿途向電車揮手。

「電車全景遊」觀光電車（68號）非一般載客電車，車票收費為成人HK$150；兒童（4-11歲）HK$95。了解及預訂「電車全景遊」觀光電車（68號）請瀏覽網站。

^部分班次或因維修及惡劣天氣原因而取消出巡，恕不作另行通知。