【祥龍獻瑞東區無人機暨文藝大匯演 9.22】
為慶祝國慶75周年，東區民政處將聯同香港島各界聯合會、香港東區各界協會喺22/9（星期日）下午7時喺小西灣運動場舉行「東區慶祝中華人民共和國成立75周年祥龍獻瑞東區無人機暨文藝大匯演」。
活動將上天下地，結合各項精彩表演！曾於今年5月「閃耀東區夜飛龍」活動出場，全長超過300米嘅夜光龍會再現！
話明上天下地，當然唔少得今次嘅主菜 一 無人機星空匯演。超過1200架無人機將飛越夜空，拼成璀璨壯麗嘅圖案點亮東區，歌頌祖國，包括飛龍吐珠、航天科技、國寶大態貓、東區吉祥物「東東」等圖案。地上仲會有即席管弦樂團演奏，為觀眾送上一場豐富視聽饗宴。
除此之外，活動亦邀請咗著名中西樂團演奏，包括本地樂團、香港天籟敦煌樂團、四擊頭敲擊樂團，同埋城市當代舞蹈團，與一眾東區學生攜手合作，仲有年青才華歌手黃洛妍獻唱。
活動憑票免費參加，派票詳情如下：
日期：9月17日(星期二)
時間：上午9時至下午6時
地點：東區民政諮詢中心(西灣河太安街29號地下)
每人限取兩張，先到先得，派完即止
每位參加者憑票更可獲精美禮物包乙份。
約定你，9.22見
圖片及資料來源：
民政事務總署