【10月好去處 備災救災互動展覽登陸荃新天地！】
當世界面臨人道危機，我哋只因「在乎」而行動，想了解多啲我哋「在乎」嘅係啲咩？
10月16至20日過嚟荃新天地，參與香港紅十字會「在乎你我他」互動展覽，到時會有多個展覽體驗區，帶你走入黑雨災後嘅屋企； VR 體驗地震同水災帶嚟嘅影響 ；走入海外救援醫療帳篷模擬體驗身在戰地環境，仲有大型逃生包同 STEAM 工作坊，等你 360° 全方位了解紅十字會救援工作同學習備災知識！
大家仲可以留低內心密語，同其他人分享感受同鼓勵同路人。現場仲會有希望之樹，捐款者可以將紅十字會嘅人道精神同理念掛喺樹上，一齊集腋成裘支持香港紅十字會人道工作，仲會有神秘禮物送畀大家𠻹！
咁好玩又有趣嘅體驗旅程，記住帶埋你在乎嘅身邊人一齊嚟體驗吓，約定大家！
香港紅十字會「在乎你我他」互動展覽
日期：2024年10月16至20日（星期三至日）
地點：荃新天地高層地下中庭（新界荃灣楊屋道1號）
時間：上午10時至晚上8時
費用全免
圖片及資料來源：
香港紅十字會