【「做多一步 好客之道」東區禮貌日 9.29 】
好快就到國慶75周年嘅大日子，十一黃金周將有好多旅客訪港，齊賀國慶。為響應政府「好客之道」運動，東區民政處聯同東區青年發展及公民教育委員會嚟緊星期日（29/9）合辦「東區禮貌日」活動，宣揚「做多一步，好客之道」信息，營造充滿幸福感、熱情好客嘅東區。
活動詳情如下：
日期：9月29日（星期日）
時間：下午12時至2時
地點：北角碼頭海濱
為準備「東區禮貌日」活動，一眾東區青年公民大使早喺暑假完成咗內容豐富多元嘅禮儀課程。除咗學習待人接物嘅基本技巧、自我介紹，仲有點樣好快畀對方對你留下深刻印象等實用內容，屆時佢哋將聯同東區吉祥物「東東」、東區區議會、東區青年發展及公民教育委員會，同埋東區青年社區建設委員會委員，搖身一變成為禮貌大使，攜手宣揚「做多一步，好客之道」嘅信息！
同場仲有靚靚嘅禮貌襟章紀念品，以及派發由本地設計師專誠設計，推廣東區特色旅遊景點嘅「雲遊東區」單張。遊客只需要掃描單張上嘅二維碼，就可便捷了解東區唔同嘅歷史同文化特色旅遊景點，例如北角油街實現、筲箕灣東大街附近嘅天后古廟及譚公廟等。
同場仲會宣傳充滿活力嘅民政及青年事務局 Home and Youth Affairs Bureau HKYouth+ 手機應用程式，大家可掃描二維碼同攞紀念品。
活動精彩，萬勿錯過，約定您9.29北角碼頭海濱見，齊心支持東區禮貌日！
圖片及資料來源：
民政事務總署