【歷史檔案館 免費領取 2025年座檯年曆囍存檔案】展覽紀念品預告
秋風送爽，除咗係時候要換上秋裝之外，展覽紀念品亦要換上新裝喇！
秋意漸濃亦意味住2024年轉眼就嚟完結，為此特別為大家精心製作咗2025年座檯年曆。呢個座檯年曆收錄咗12張香港舊照片，包括1950年代維多利亞港嘅壯麗景致、德輔道中嘅繁華街景，同埋充滿集體回憶嘅啟德機場等。用完呢個座檯年曆之後，大家仲可以沿住年曆每一頁嘅虛線撕出舊照片，保存落嚟慢慢欣賞每一頁香港故事。
由2024年10月28日開始，大家過嚟香港歷史檔案大樓參觀展覽同完成埋展覽單張內嘅任務（二），就可以換領呢個精心製作嘅2025年座檯年曆一個，任務（一）送出嘅紀念品維持不變。
所有展覽紀念品數量有限，換完即止。
「囍存檔案」展覽開放詳情：
逢星期一至五（公眾假期除外），上午9時至下午5時45分開放
九龍觀塘翠屏道13號香港歷史檔案大樓二樓展覽廳
免費入場
圖片及資料來源：
歷史檔案館