道路安全議會51周年「留心勿搗蛋」道路安全嘉年華 即將登場！
一年一度嘅道路安全議會嘉年華又嚟啦！今年會以「留心勿搗蛋」做主題，已經預備咗一系列精彩活動畀大家，希望大家能夠透過活動學習道路安全知識！蛋蛋約定大家12月1日（上午10時15分至下午4時30分）嚟啟德車站廣場，參與呢項有得玩又有得學嘢嘅年度盛事！仲有唔好錯過「留心蛋」打卡專區，畀大家同留心蛋影靚相留住美好回憶！
道路安全議會51周年「留心勿搗蛋」道路安全嘉年華
日期：2024年12月1日（星期日）
時間：上午10時15分至下午4時30分
地點：啟德車站廣場（啟德站B出口步行約2分鐘）
費用：全免
嘉年華3大亮點
超大型充氣跳彈樂園 – 畀小朋友盡情放電！
兒童電動車體驗 – 化身道路安全小先鋒！
51周年限定紀念品 – 集齊印章即可換領精美「留心蛋」紀念品，數量有限，換完即止！
圖片及資料來源：
留心蛋