視聽障車車 展覽互動體驗 送紀念品

【呠！呠！睇車！視聽障車車出沒注意！】

你有冇聽過「視聽障」？《殘疾歧視條例》你又知幾多？

為響應12月3日「國際復康日」，視聽障車車嚟緊一連四日將會走訪唔同地點，為公眾介紹 #視聽障、#觸感手語 同《殘疾歧視條例》嘅資訊。

活動分為展覽區域同互動體驗，大家可以喺展覽區內一探「視聽障人士的世界」，了解視聽障定義同溝通方式。記得睇埋「防歧視我有計」，認識視聽障人士點樣受到法例保障，獲得平等參與嘅機會。而喺互動體驗，大家可以親身感受視聽障同學吓觸感手語。每日更有視聽障咖啡師同魔術氣球師分別為大家準備嘅咖啡和氣球。話比你知，視聽障人士同樣活得精彩！

大家記得mark低以下日期、時間同地點！一齊登上宣傳車參與精心設計嘅小遊戲。紀念品數量有限，送完即止！活動咁有意義，仲唔快啲叫埋親朋好友一齊嚟支持？到時見啦！

視聽障車車出沒資訊：
日期及地點︰
11月28日 (四) 下午1時至6時 ︳大圍站A出口附近
11月29日 (五) 下午1時至6時 ︳銅鑼灣廣場一期
11月30日 (六) 及 12月1日 (日) 下午1時至6時 ︳尖沙咀海防道

活動內容：
展覽區域 – 防歧視我有計、視聽障人士的世界
互動體驗 – 細嚐咖啡、妙手扭氣球、視聽障體驗、觸感手語教學

(實際地點或因應當日交通狀況而改變，詳情請留意我哋嘅社交媒體專頁公布。)

此項目由平等機會委員會資助，此活動內容並不代表平等機會委員會的觀點。