【鄉郊豐年節：谷埔「聲—色—味」之旅｜免費船票名額加開 多謝支持】
感謝上週末參與「鄉郊豐年節：谷埔『聲—色—味』之旅」嘅朋友們！大家嘅支持令活動氣氛非常熱鬧，你哋又最鍾意邊個節目呢？
鄉郊豐年節聽到你哋嘅心聲喇！今個星期六日（1月25日及26日）將每日加開125個免費船票名額，讓更多人有機會參加呢個嶄新嘅鄉郊深度遊體驗！
加開嘅名額將於1月21日早上10時起於遊樂船登記網站上接受報名。
名額有限，把握最後機會預留船票，帶埋家人朋友一齊嚟探索谷埔，呢條擁有超過300年歷史嘅隱世客家村落，感受鄉郊文化、自然與藝術嘅完美結合！
另外，今個星期六日新樓街會有沙頭角墟新春嘉年華。大家可以去完嘉年華再搭船入谷埔玩，來一趟「聲—色—味」之旅。
提提大家邊境禁區許可證（旅遊禁區許可證 – 個人）需於到訪日期前最少三個工作天申請，到時見！
鄉郊豐年節：谷埔「聲—色—味」之旅
2025年1月18、19、25、26日 （活動）
2025年1月18日至2月16日（展覽）
12:00 – 19:00
香港沙頭角谷埔村
圖片及資料來源：
鄉郊保育