【二月山曆 吊鐘花．紅花嶺郊遊徑】
吊鐘盛放除舊歲，紅花滿山迎新春！
下星期就係農曆新年，每逢春節前後，吊鐘花都準時喺山林中報喜，以「紅」運當頭氣勢先「色」奪人，英文名亦直接了當用Chinese New Year Flower 夠晒應節。二月山曆，就由喜氣洋洋嘅吊鐘陪大家新年行大運。
吊鐘花屬於杜鵑花科落葉或半落葉灌木，高1至3米，花梗細長而懸垂，寛鐘狀花冠有如倒掛金鐘，小巧雅致，花色由粉紅、桃紅到奶白都有。花以外，粉紅色嘅嫩葉同樣奪目。喺紅花嶺郊遊徑起點上紅花寨觀景點嘅山徑，沿路吊鐘花以不同姿態呈現人前，有啲老葉尚未落去，嫩葉就同花朵一併長出；有啲老葉落盡後，花苞才徐徐而至，名副其實千姿百態、形態萬千。
昔日，被視作年花嘅吊鐘花常被非法採摘，現時吊鐘花已受香港法例保護，請山友愛花惜花，讓節日喜慶喺山林永續，歲歲平安，年年有餘！
想去紅花嶺郊野公園賞吊鐘？
即刻去郊野樂行網站睇下郊遊路線嘅交通資訊，仲有沿途靚景相！
紅花嶺郊遊徑 ( bit.ly/48BQBos )
蓮麻坑郊遊徑 ( bit.ly/3UZb57u )
提提你：
兩條郊遊徑均為中高難度線路，出入口同郊遊徑上都無補給點，途中亦無退出路徑
遊覽紅花嶺郊野公園需要遠足最少五個小時。山友要量力而為結伴同行，帶備足夠裝備、飲用水同食物
出發前留意天氣預告；出發後時刻注意天氣情況請愛惜花草樹木，切勿採摘或為打卡扭曲枝條
山上當風，請帶備足夠禦寒衣物及防曬用品
山路狹窄，請互相禮讓，共享美景
山曆可以按以下連結下載
(教材 2025 山曆 2月－吊鐘花紅花嶺郊遊徑)
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
香港郊野公園