【第二屆《全民騰飛》慈善運動計劃 啟動禮暨社區運動同樂日 返嚟喇！】《全民騰飛》慈善運動項目由 #騰訊基金會 同 #基滙資本民坊 全力支持，旨在推廣 #體育發展 ，透過運動幫助青少年尋找人生方向，為社會帶來正能量！
第二屆《全民騰飛》慈善運動計劃啟動禮暨社區運動同樂日，會喺嚟緊3月23日（星期日）盛大舉行！當日活動內容十分豐富，包括各種新興運動嘅體驗攤位，例如帶式欖球同匹克球，參加者將有機會體驗，同了解吓各種運動嘅玩法，總有一款啱你。此外，活動亦有障礙競技運動大挑戰，特別為6至16歲嘅兒童及青少年而設，齊齊挑戰自我
同場亦設有反應燈、平板支撐、速度梯、九宮格等多項體能挑戰，參加者可以挑戰體能同意志力，無論係初學者定運動愛好者，都可以喺當日嘅同樂日盡情享受！
趁呢個機會，一齊做運動舒展筋骨、過一個健康嘅周末啦！
第二屆《全民騰飛》慈善運動計劃 啟動禮暨社區運動同樂日 詳情
日期：3月23日（星期日）
時間：上午10時正至下午6時正
地點：屯門愛定商場 H.A.N.D.S.空中滑輪運動場（愛定商場D區停車場上蓋）
費用：全免
精彩活動包括：
新興運動體驗攤位：匹克球、軟式曲棍球、穿雲箭
運動遊戲攤位：劍擊、手球、單車、划艇
體能挑戰站
障礙賽 （需預先登記）
出席並完成所有攤位遊戲嘅參加者可以獲得豐富禮品 !
圖片及資料來源：
HKPA 香港遊樂場協會