【九龍醫院100周年紀念嘉年華 • 齊來共度歡樂週末！】今年係九龍醫院100歲生日嘅大日子！ 為咗同社區分享呢份喜悅，誠邀大家一齊參與「九龍醫院100周年紀念嘉年華」。
今次活動非常榮幸邀請到多個政府機構及社區團體蒞臨，設立超過20個健康主題攤位，透過輕鬆有趣嘅迷你遊戲，推廣健康資訊！
無論你鍾意動態還是靜態，總有一款活動啱你心水！歡迎大家一齊嚟探索九龍醫院嘅百年故事，見證我哋成長嘅點滴
活動詳情：
日期：12月13日（星期六）
時間：上午10:30 – 下午3:00
地點：九龍醫院大草地
嘉年華有咩玩？立即睇睇：
遊戲攤位 ─ 玩齊遊戲儲印仔，即可換取100周年限定禮品
歷史導賞遊 ─ 遊走九龍醫院，除咗欣賞建築，仲可以享受寧靜嘅園林環境，認識百年歷史
舞台表演 ─ 中午12點開始有多場精彩演出，包括步操、健康操及音樂表演
免費健康檢查 ─ 了解自己嘅身體狀況，預防疾病，由你做起
小小醫護體驗 ─ 「迷你」醫生護士制服讓小朋友可變身「小小醫護」打卡影相
經典小食攤位 ─ 懷舊小食，大人細路都啱食！
咁多精彩節目，緊係要帶埋一家大細、約齊朋友一齊嚟玩啦！約定你，一齊嚟同九龍醫院慶祝呢個別具意義嘅週末！
圖片及資料來源：
九龍醫院