提防假冒「籌款」騙案及虛假「申領援助表格」

【 緊急防騙通告：提防假冒「籌款」騙案及虛假「申領援助表格」】大埔宏福苑五級火災發生之後，有無恥騙徒竟然 「趁火行騙」，騙取市民善心，欺騙受災居民！

近日網上出現各式各樣、假借火災名義嘅騙案，包括：訛稱銀行捐款加碼訊息、急籌醫藥費短訊、假網站、假link或二維碼 ，呃市民善款；更離譜係有假義工向受災居民派發「援助申請」嘅表格，索取敏感個人資料，仲要填銀行戶口同信用卡號碼，甚至畀埋提款密碼同驗證碼

防騙攻略：

官方渠道為先：只透過政府或認可慈善機構的官方網站申請援助或者進行捐款。千祈唔好撳來歷不明嘅link或者掃二維碼。

保護個人資料：切勿隨便向陌生人透露身份證號碼、銀行帳戶信用卡資料。

核實工作人員身份：當有工作人員問你攞資料嘅時候，你可以要求核實佢哋嘅身份。另外，銀行職員係唔會要求客戶透露密碼及驗證碼等敏感資料。

舉報可疑情況：如有懷疑，請立即致電相關機構查證；遇到疑似騙徒就要即刻舉報。

遇事要冷靜，查證要果斷！快啲share出去，提醒身邊嘅親友！