香港人日曆 預防中国武漢肺炎套餐

【預防中国武漢肺炎套餐】
話說早排有一間人血網店，趁依家全城鬧口罩荒嘅時候坐地起價，將一批抗炎裝備賣到貴一貴，想一發國難財不突止，收完錢仲要訛稱自己批貨俾班「大陸買家」攞咗！結果唔少手足錢就俾咗，罩就拎唔到。腦細們聽到呢件事真係把幾火，正所謂不義之財不可取，仲要打住吉祥物旗號去呃自己人錢，真係佛都有火。

慶過火屎嘅腦細們於是決定直接同呢班人血蛋散挑機，派出採購團隊直接一次過由日本搜羅，砌返一set同人血網店賣一模一樣、仲要UPGRADE版嘅抗炎用品，以比人血價低30%嘅價錢推出抗炎裝備套餐，合共10,000份，當中9,000份會以網上公開發售方式今日起陸續出售！但懇請大家買過唔好再買，好多人有緊急需要(我哋會預留1,000份予醫護及有需要人士，但要提供證明)！咁到底呢套抗炎裝備幾錢同包咗啲乜呢？

真．抗武肺套裝
口罩：日本製Barriere Surgical Face Mask成人外科口罩 – 50片
註1：原本嘅人血套餐只得30片，我哋俾夠50片。驚有人收貨又係到問點解又話日本製，但盒寫中国，原因係日本法例訂明原材料七成係中国都要當中国
註2：由於廠家已經沒有紙盒，所以以散裝口罩供貨。我們會在之後上傳有關證明，證明該批口罩由日本廠方提供，若有疑惑，購買時請自行考慮
韓國消毒搓手液：搓手液500ml – 1枝
消毒洗手液：日本Lion洗手液250ml – 1枝
日本Lion洗手液補充裝200ml – 1包
消毒濕紙巾：消毒紙巾20抽裝 – 1包

一套5件，僅盛惠HKD430(請原諒我哋無法以來貨價售出，因為包括各項請手足以及租倉運輸等成本已經計到好盡，比人血價足足平30%，希望大家體諒 )。一個套餐，滿足一個人一個月嘅需要。雖然今次腦細班嘅貨量都算幾大，風險都好大，但我哋都幾有信心，因為全套都係高質貨！同埋都再次希望大家能夠自律，有餘力嘅請多多關心及照顧身邊嘅朋友。已經買了一套或已有大量儲備嘅，請讓給有需要人士，多謝大家。

另外，我們套裝內的韓國消毒搓手液(500ml)可以加購，每枝HKD 88,最多加購5枝。大家取貨時敬請自備購物袋，現場只有少量購物袋供購買。

而大家最關心嘅網上預售時間將會係稍後8點半正式發售，並會陸陸續續推出市場(因為人手有限，未能同一時間推出)，具體取貨日期及地址將一如上次一樣，於確認付款後由專人電郵或短訊通知。呢舖IT狗話要一雪前恥，唔會再死網！請多多留意我哋facebook專頁同 ( wefund.hk ) ！

第一輪網上預售日期及時間
2月16日 20:30
抗炎套裝2200套
交收地點：葵芳
收貨日期：2月底
交收時間：10:30-21:30

第二輪網上預售日期及時間
2月17日 20:30
抗炎套裝2400套
交收地點：葵芳
收貨日期：2月底
交收時間：10:30-21:30

第三輪網上預售日期及時間
2月18日 20:30
抗炎套裝2200套
交收地點：柴灣
收貨日期：2月底
交收時間：10:30-21:30

第四輪網上預售日期及時間
2月19日 20:30
抗炎套裝2200套
交收地點：柴灣
收貨日期：2月底
交收時間：10:30-21:30

購買條款:
1. 任何情況下均無退換。
2. 一人限購一件套裝，韓國消毒搓手液可加購5枝，2月26日起陸續安排交收，詳情均會透過電郵或手提短訊聯絡。
3. 請填上正確的電話號碼，我們會隨機抽樣驗證該電話是否存在。
4. 存貨有限，請勿嘗試與我們聯繫以其他形式購入抗炎產品。
5. 請勿向任何人分享交收詳情，否則訂單將會被取消。
6. 若未能在指定地點時間交收，貨品將轉送有需要人士/醫護，不設退款。
7. 如有任何爭議， Wefund.hk 將保留最終決定權。
8. 如條款有任何更新、會以最新版本為準，並不另行通知。
9. 如閣下進入 Wefund.hk 選購貨品，將視為接受以上條款。