Pokeguide 發售Pokeguide口罩套

星期六 3:00PM
Pokeguide會再派發3000個「Pokeguide口罩套」！地點繼續係超級黃店 桔梗 JIEGENGE.HK 門外

今次吸納咗廣大市民嘅意見之後，作出咗三個改變：

第一，因為有人反映唔係逢星期日可以抽到時間過嚟，所以Pokeguide今次試吓其他日子派，俾咗兩日大家揀：星期六(21號)同下星期五(27號)，想盡量方便吓閒日先得閒嘅朋友～

第二，因為唔想好似上次咁搞到大家大排長龍，Pokeguide今次會加長派發時間，會由3:00PM派到9:30PM，提供更多時段俾大家揀，希望大家可以分得再散D，唔好一窩蜂咁嚟，我會建議大家如果唔想等太耐，可以盡量揀五點後嘅時段取貨！打算喺現場以現金方式買嘅朋友，Pokeguide會照舊有200個名額，每人限購2個，先到先得。

第三，因為實在太過供不應求，Pokeguide腦細連日嚟已經走訪港九新界，搵多咗兩間香港本地廠幫手加快生產！嚟緊Pokeguide QC好哂會再向大家公佈，希望可以供應更多嘅貨幫到更多未買到嘅人，同時繼續確保品質，更重要係繼續「Made in HONG KONG」！！

總之Pokeguide會繼續幫大家安排造貨，盡量滿足每一位朋友嘅需要，但Pokeguide始終只係一間小公司，能力好有限… Pokeguide對每一個message都會珍而重之，但人手太少，訂單太多，好難處理得切各位嘅查詢，所以回覆會比較慢，希望大家可以包容吓 如果有任何問題可以望望下面Q&A睇吓解唔解答到你先～

收到email通知嘅朋友到時見，仲未買到嘅朋友，或者想加購嘅朋友，可以下面條link買，要排隊，幾個星期後先有貨：

( mask.pokeguide.com/ )

***

超常見問題：

[電郵無通知]
Q: 收唔到電郵通知？
A: 請inbox俾低身份證全名同頭四位數字，我地會幫你check吓。

[當日出現唔到]
Q: 派貨當日發現嚟唔到點算？之後一日攞得唔得？
A: 我地唔係日日派，所以千祈唔好第二日走嚟，怕你白行一趟。如果收到取貨通知但當日嚟唔到，我地會盡量安排下星期再派，會有email通知你，到時你可以再夾吓有冇時間過嚟攞番，地點都係旺角桔梗。

[當日出現唔到]
Q: 可以郵寄嘛？
A: 郵寄成本太貴喇，因為我地想盡量幫大家壓低成本，所以只係安排咗大家現場取貨。

[唔知點樣買]
Q: 邊度可以買？冇信用卡，可唔可以俾現金？
A: 有信用卡嘅朋友可以直接入去呢度買：( mask.pokeguide.com )
除咗信用卡俾錢，我地有預留200個名額俾桔梗嘅客人，可以到時以現金方式俾錢買，即時取貨；而其他無喺店內消費嘅朋友，佢地都可以喺現場以現金方式預購最多4個，時間地點會再電郵通知，排到幾前幾後就視乎前面有幾多人買，先到先得。

[現場預購]
Q: 現場預購係有咩手續要做？
A: 俾錢嘅時候會有份form俾你填番email、名、身份證頭四位數字同電話號碼，之後有貨會電郵聯絡番你取貨地點/時間。

[代領]
Q: 當日嚟唔到，可以搵朋友幫手拎？
A: 朋友幫你拎都得呀，只要show到你身份證副本/相，同QR code就得，如果係學生記得帶學生證。

[護理/清洗]
Q: 口罩套需唔需要每日清洗？
A: 口罩套一定要每日消毒清洗呀，因為病毒係可以穿過塊布，呢塊布係主要用嚟擋你嘅飛沫，每日清洗配合外科口罩用，就可以延長外科口罩嘅壽命！我地建議每次用完之後，上下拉開成個口罩套，用消毒潔衣液浸一浸，輕輕擦吓前後兩面就得，手洗會比機洗好。

[口罩套size]
Q: 口罩套有冇分唔同size？
A: 我地冇分幾隻size，因為咁樣成本就會貴咗，唔想個口罩套為咗分size而要大家再俾更多錢，會唔化算，所以我地都統一「成人」尺寸同顏色。

[口罩套size]
Q: 咩size嘅口罩先啱用？
A: 大概18×9cm以內嘅外科口罩應該都無問題，但如果面形太細嘅朋友，可能會有少少鬆，要考慮清楚先好買。
更多口罩資訊： bit.ly/2T4Wjuj