UNICEF HK 「童你抗疫」衞生行動已經陸續將抗疫物資送到超過4,000位基層兒童及家長手上眼見不少家庭仍面對兒童口罩短缺嘅問題，UNICEF HK獲李家誠先生透過恒基兆業「抗疫基金」捐款購買咗100萬個兒童口罩，其中一半會送到基層手上，而餘下一半（50萬個），將會預留畀全港家庭免費抽籤領取 依家等小編透露少少詳情，等各位家長好好準備！
UNICEF HK派發嘅兒童口罩——
一盒50片，非獨立包裝
有「中童款」（14.5cm x 9.5cm）及「幼童款」（12.5cm x 7cm）可供選擇
秘訣1：唔使急！非先到先得
兒童口罩以抽籤形式進行，非先到先得，登記先後次序不會影響中籤機率
網上系統會喺4月28日至5月5日開放畀各位登記，UNICEF稍後會公佈登記網址，請留意UNICEF專頁嘅更新
最重要今次係UNICEF HK第一次開放網上系統抽籤口罩，由於資源有限，人手有限，伺服器負荷有限，希望各家長高抬貴「手」無須急於喺開始申請嘅時間湧入網頁，如果抽籤時遇到任何阻濟，請稍後再試，我哋亦致以十二萬分抱歉
秘訣2：提前準備好要填嘅資料
需填寫資料包括家長姓名、流動電話號碼、電郵、兒童就讀學校及身份證頭4位號碼
需選擇內容包括「中童款」及「幼童款」中二擇其一；然後揀選OK便利店領取點(分佈全港共38間OK便利店)
提交申請後，系統會顯示您的登記編號，代表您已經成功登記
秘訣3：留意剩餘登記時間
為咗縮短輪候進入網頁嘅隊伍，每位參加者嘅將會有5分鐘時間登記
系統會顯示剩餘時間，需要大家填寫嘅資料唔多，只要提前準備好，就唔需要擔心
秘訣4：留意電郵通知
登記期結束後，我哋會盡快以電郵通知中籤者，到時可以透過兌換碼領取口罩
所以千祈要注意要填一個正確嘅電郵地址呀！
有興趣參加抽籤嘅家長記得密切留意UNICEF專頁嘅更新，或者將呢個好消息同親朋好友分享喇！
唔好錯過口罩消息： bit.ly/2T4Wjuj
圖片及資料來源：
UNICEF Hong Kong
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。