口罩機寶寶唔聽話
30/4 更新出貨情況，呢個星期已不斷趕工出貨，每日工場已不眠不休咁運作，部口罩機初投產，運作上仍然係唔太順，出貨量仍未能達到預期效果，機械不穩定，Mommylicious CLUB 真係已經盡曬力。
原本預定4月中投產，首批貨預定要捐給慈善機構都要擱置，要先出貨俾你哋先。
因為部口罩機實在好唔穩定，每次請師傅過黎調較好，正常順暢半個鐘至一個鐘就又唔聽話，但全港成5x間口罩廠都係呢班師傅跟進，每次都要排隊等。
—————————————————
好，講到呢度，就交代出貨進度！
上星期答應過會在4月27日至30日出貨訂單號碼#1至5093，Mommylicious CLUB 真係日以繼夜盡全力趕工，在4月25日亦已正式開始陸續出貨中，但口罩機日產量不及預期，直到今日為止，Mommylicious CLUB 目前已完成出貨訂單號碼是1至809大約3800盒左右。
—————————————————
另外，大家不要自行猜測出貨期，因為好多較早已填form的訂單是大量訂購的，幾十盒至幾百盒都有，好多公司要為員工準備大量口罩的，亦有好多有心人講明係買大量黎捐俾有需要嘅人的。所以訂單號只去到8xx呢個都係原因之一。
—————————————————
‼而Mommylicious CLUB 在「付款確認信」內有註明，如延期出貨超過一個月，會全數退回相應訂單盒數金額。 ‼
所以，請注意以下關於第一輪預購「確認付款訂單號碼」的出貨期限，Mommylicious CLUB 現在已每日都不斷地出貨中，盡力在期限內出貨，亦將會每日係post更新每日出到邊個訂單號。
希望部機越行越順，出貨量會一日多過一日
—————————————————
‼第一輪預購-確認付款訂單號碼的出貨期限：
號碼# 1至5093 ： 最遲出貨期限為5月20日
號碼#5094至14814： 最遲出貨期限為6月30日
號碼#14815至24984： 最遲出貨期限為7月31日
‼如到時超過了以上期限的安排‼
1）客人可申請退款。到時退款安排會另行通告。
2）如客人仍想等貨，我哋會有另行安排以作補償。
*詳細安排請留意下文
—————————————————
‼現在先針對訂單號碼5093或之前的客人，如呢批客人的訂單在5月20日出貨限期前仍未出到貨，就可有另行處理選擇安排，我們會以「電郵」通知你如何安排。
‼到時會個別以「電郵」提供「表格」給你填寫意向。
不要Facebook Inbox因要統一處理和記錄
號碼5093或之前，如5月20日仍未出到貨，就可選擇以下一項安排：
1）安排退款。
2）願意等出貨。會有多個選擇，就係可揀自取（而自取地點將會係位於觀塘我們的其中一個辦公室，到時確實時間地點會個別通知）。
3）願意等出貨，並按照原定順豐送貨。
‼以及，如過了出貨期限仍然願意等出貨的客人，在下一次購買口罩時，可享有一次性減$30的購買口罩折扣優惠和購買Mommylicious CLUB Hong Kong 網店貨品亦可享有一次性85折購物優惠。同埋亦可享有我哋分公司Meiga Health的健康產品及及基因測試85折。
因為Mommylicious CLUB 現在已通宵達旦咁趕工同出貨，真係無法再逐一回覆你哋嘅查詢
造成不便，敬請見諒！
—————————————————
當大家好需要口罩時，Mommylicious CLUB 膽粗粗作出了生產口罩呢個決定。
Mommylicious CLUB 做預售先確保訂單，都係希望有個預算，只可惜結果不似預期。
Mommylicious CLUB 未能如期出貨，退款真係唔係問題。當大家好需要口罩時，人人各自2盒thx好容易，最後人人一句退款亦好容易，然而對我哋黎講，又要再花上幾多時間去做呢個安排？ 不過呢個係現實，都要面對。
呢刻，Mommylicious CLUB 真心想同一直支持同鼓勵Mommylicious CLUB ，一直耐心等候嘅客人，因為好無奈唔可以令你哋如期收到貨！真的很抱歉！
香港工業其實已經消失咗十幾廿年，而家一班初哥憑着一股勇氣為香港人生產口罩，但係喺香港，講真一班專業嘅Engineer真係寥寥可數。
生產力促進局HKPC, 因為佢哋都要去幫香港咁多間口罩廠，都唔知要排幾耐先輪到幫我哋。哈哈
有樣嘢，Mommylicious CLUB 的確被騙了，簡直係世紀大騙局，就係據Mommylicious CLUB 同其他相熟行家分享過，根本一部口罩機係做唔到供應商所講嘅日產量，而Mommylicious CLUB 得兩線生產線，亦非常堅持每一片口罩都一定要係香港製造，所以而家只能夠維持不似預期不穩定的有限度生產量。
當初Mommylicious CLUB 決定唔申請政府資助，都係因為唔想有任何掣肘，全力去為香港人生產口罩，自給自足。所以Mommylicious CLUB 係冇任何嘅財政back up , 所有嘢都係我哋真金白銀拎出嚟去做呢件事，Mommylicious CLUB 要賺錢亦從來冇諗過利用呢樣野嚟賺咩大錢，所以你哋嘅一分支持，就係令Mommylicious CLUB 可以堅持落去嘅一份原動力。
當然，消費者有消費者嘅立場，Mommylicious CLUB 明㗎！ Mommylicious CLUB 只係想分享下心情
另外，如果有客人唔急要住口罩，願意遲啲先收貨，讓其他人出貨先，歡迎inbox我哋溝通！我哋會好感激。
最後想講一句，經此一役，Mommylicious CLUB 以後只會買現貨，經一事長一智。唔好再lor lei jin la
唔好錯過口罩消息： bit.ly/2T4Wjuj
選購口罩需留意質素及真偽，著數熊網單純內容報道，對買賣雙方的交易不會負責。
圖片及資料來源：
Mommylicious CLUB Hong Kong
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。