愛協 「情尋貓貓節」 免費換領 限量版剪耳貓鎖匙扣

［召喚貓奴!踴躍支持「情尋貓貓節」 贏取精美貓貓禮品］

喵！提提你，10月25日就係由愛協主辦、「位您寵」全力贊助既首屆「情尋貓貓節」「周日喵喵市集」既大日子喇！時間係下午12時至6時，地點係灣仔利東街，大家聽日黎到同避完風既5米巨貓Bobby打卡朝聖之餘，記住先睇睇以下攻略：

1. 贏取「珍藏版剪耳貓咕𠱸」乙個及「位您寵」貓咪保健品乙份：只要係10月30日前喺呢個post下面留言，貼出你同巨喵既合照，在10月30日中午12時得到最多「讚好」的參加者，就會得到呢份可愛又實用既禮物套裝！

2. 免費換領「限量版剪耳貓鎖匙扣」：現場仲會有10隻貓貓模型藏身喺利東街各個角落架！記住同佢哋影相打卡，儲齊10隻之後喺逢禮拜日舉行嘅「喵喵市集」上（25/10, 1/11, 8/11, 15/11的下午12時至6時)，向職員展示照片同上載至社交平台，就可以換領限量版匙扣乙個喇！ (數量有限、送完即止)

3. 超萌貓狗口罩義賣：周日喵喵市集（25/10, 1/11, 8/11, 15/11的下午12時至6時)先有得賣架，記住去搶購喇！

4. 「貓Show」視頻展覽：較早前我哋曾經向大家誠徵貓貓玉照，總共收到接近1000張嘅相片！極之感激大家支持！

[重要通知]：由於反應極度熱烈，所以貓貓玉照將會分批喺週日市集（25/10, 1/11, 8/11, 15/11的下午12時至6時))度展示。

如果喺10月10日前已經交左相嘅朋友，請注意你嘅貓貓相將會於10月25日喺週日「喵喵市集」展出。至於其他照片嘅展出詳情，將會稍後公佈，敬請留意。

活動網頁：( catfest.spca.org.hk/ )