愛協「情尋貓貓節」周日喵喵市集 免費換領「限量版剪耳貓鎖匙扣」

【「情尋貓貓節」最後8日! 把握機會同巨喵Bobby喺利東街一齊打卡慶祝】

正所謂開心嘅時光過得特別快，首届「情尋貓貓節」自10月底喺利東街開幕，眨下眼就已經過左兩個禮拜啦！首先要多謝所有嚟到現場支持以及同「喵星人」影相嘅朋友，見到大家對呢個活動反應咁熱烈，我哋實在非常振奮，亦都好感動！

喺度提提大家，11月8日利東街將會再次舉行「周日喵喵市集」，到時會有戶外攤檔售賣各式貓咪主題嘅手作同用品，各位貓奴千祈唔好錯過！
除咗有得打卡同買嘢，各位仲可以玩游戲同得到精美禮品:

1） 贏取「珍藏版剪耳貓咕𠱸」一個及「位您寵」貓咪保健品一份：
只要喺11月13日中午12點前喺呢個post下面留言，貼出你同巨喵Bobby嘅合照，同時得到最多「讚好」嘅參加者，就會得到得到呢份可愛又實用嘅禮物套裝！

而上星期嘅得獎者亦都出爐啦：恭喜 @Kent Kan！我哋會有專人聯絡你安排領獎事宜。

2） 免費換領「限量版剪耳貓鎖匙扣」：
現場除咗有巨喵Bobby，仲會有10隻貓貓模型藏身喺利東街唔同嘅角落架！記住同佢哋影相打卡，儲齊10隻之後喺逢禮拜日舉行嘅「喵喵市集」上（8/11, 15/11下午12時至6時)，向我哋嘅職員展示照片同上載至社交平台，就可以換領限量版匙扣乙個喇！ (數量有限、送完即止)

希望大家繼續支持「情尋貓貓節」，聽日見！