《齊齊抗疫，送暖行動3.0》
免費送出：
保濕燕麥茶樹皂10g 800件
香薰消毒酒精20ml 200支
防疫用品開始又有炒起嘅跡象，係呢個時候恰巧我哋一個月之前計劃好打算派同埋打好嘅皂，終於都成熟咗，喺市道好差同埋逆境之中，我哋好希望一齊真· 守望相助。今次係送暖行動3.0
上次文章一出，好多客人擔心我哋，再嚟3.0仲頂唔頂得住，放心，小店仲頂得住，暫時唔會因為送多1000件抗疫產品就會執，最多，未來如果業主都唔肯減租嘅話就大不了，大屋搬細屋，點都唔會執笠，頂到幾多得幾多其實我哋好命硬！
不過，如果搬細咗，大家會繼續支持我哋嗎
總覺得呢個世界，由其疫症之中，呢段時間個個都好好好好辛苦，每個人都已經差唔多爆嘅情況下，apoo只希望一件簡單嘅番梘，一支簡單嘅酒精，送完又送，其實想比大家知道我哋幾辛苦都會喺埋一齊捱嘅。代表我地拍下你膊頭咁嘅意思。社交距離係需要嘅，唔係真係拍到膊頭，但係都可以同我哋講聲加油
/
另外，撇除上次600件包裹，我哋同事有天昏地暗嘅感覺，個operation 數量原來並唔係我哋小店可以負荷到，加上我哋同事今個月開始返AB Team 更home office ，今次郵寄方面，恕末能夠安排到太多但係每包件數方面就會送多少少。
—— 3.0 準備咗200套送比前線醫護——
我哋開放申請時間為由今天至到4月9號，請注意：我哋嘅寄出日期為4月10之後。假如人手唔夠回覆可能會比較怠慢的話，真係唔好意思。
為咗保障大家前線醫護人員嘅私隱度，請將大家嘅證件遮住有需要保護嘅位置，簡單確認到閣下你嘅身份我哋就會寄出產品。請注意，我哋嘅回覆會係一至到三個工作天 每位身份可以限寄一包，送完即止。
完成簡單嘅批核之後，寄出一個包裹裏面會有，2個茶樹洗手皂同一枝20ml 香薰酒精。
其餘500個保濕皂係比一般市民大眾，尤其係歡迎洗手洗到有爛手嘅問題都歡迎你嚟拎。
大家可以由今日起至到4月9號可以，超慢慢唔急嘅速度拎取，因為其實有大量係四間分店，大家請按誠實機制，唔好拎完回頭再拎，雖然其實我哋未必會認得，好希望香港人大家自律。
銅鑼灣，旺角屯門及南昌均店由今天起26/3，可以領取（荃灣店除外）
如果有朋友需要嘅就分享呢個文章俾佢或者係私底下PM呢條link俾佢啦
補充：同上次都係一樣，唔需要購物，唔需要買嘢，但如果可以黎拎嘅話，見到我哋門市同事講聲加油，好嘛？
圖片及資料來源：
A Piece Of Organic – APOO
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。