屋宇署 危樓精靈逐個捉遊戲 贏取豐富禮品

嗱嗱嗱～鍾意玩Game 嘅你，又點可以錯過屋宇署推出嘅全新Web Game 「危樓精靈逐個捉」呀！

遊戲會將10款私人樓宇常見嘅安全問題，化身為10 隻「危樓精靈」，等玩家用手提電話喺不同巴士站或港鐵站周圍搜尋，齊齊「捕捉」精靈。
捕捉到每隻「危樓精靈」之後，玩家就會學到相關嘅樓宇安全資訊，並應用係日常生活，共建健康樓宇。玩家「捕捉」到一定數量嘅「危樓精靈」，仲有機會獲得豐富禮品𠻹！

詳細玩法 
■ 到不同巴士站或港鐵站搵出「危樓精靈逐個捉 」活動海報
■ 拎起手提電話，掃描海報展示之二維碼（QR code）進入遊戲
■ 根據遊戲指示去「捕捉」危樓精靈

出沒地點 
■ 9 隻「危樓精靈」將會出現喺以下地方：
– 旺角、太子、油麻地、佐敦、牛頭角、觀塘共 60 個巴士站
– 港鐵車站（港島綫、南港島綫、觀塘綫、荃灣綫、東涌綫、將軍澳綫、東鐵綫、屯馬綫）

■ 1 隻特別版「危樓精靈」將會喺今年10月21日至10 月27日出現喺屋宇署「樓宇安全周2023」嘅「樓宇安全嘉年華」現場，屆時玩家記得去荃灣荃新天地高層地下中庭「捕捉」精靈。

豐富禮品換領 
請按遊戲內嘅指示換領禮品
「危樓精靈逐個捉」係期間限定㗎，記得喺9月23日至10月27日，一齊玩啦！