噴鼻式與注射式流感疫苗的分別

好多市民都問噴鼻式同注射式流感疫苗有咩分別？

喺 2020-21 季度，減活噴鼻式流感疫苗和滅活注射式流感疫苗都獲「疫苗可預防疾病科學委員會」建議喺香港使用，兩種都係有效嘅四價流感疫苗。

不過，兩種疫苗嘅適用人士有啲唔同，大部分嘅滅活注射式流感疫苗適用於 6 個月或以上人士，包括健康人士、懷孕婦女同有長期健康問題嘅人士。

而減活噴鼻式流感疫苗只建議畀2歲至 49 歲非懷孕及非免疫力低嘅人士使用。患有哮喘或者喺過去12個月內曾患上喘鳴嘅2歲至4歲兒童就不宜接種減活噴鼻式流感疫苗。仲有其他不宜接種減活噴鼻式流感疫苗嘅情況，建議接種疫苗前先徵詢醫生意見。

除咗接種流感疫苗之外，市民仲要時刻注意個人同環境衞生，以防感染流感。