【公益金便服日 2024 – WEAR TO CARE】
有賴大家多年嚟嘅善心同支持，陪伴香港人一齊成長嘅公益金便服日，至今已累積超過 1,100 萬人參與，而累計善款總額更逾 5 億 4 千萬港元。今年嘅公益金便服日將以「WEAR TO CARE」為主題，繼續將關愛互助嘅精神宣揚開去！
今年便服日將會喺10 月 31 日（星期四）舉行，全城一齊參與，著上喜愛嘅服飾返工返學，以微小而重大嘅善行幫助有需要人士！活動籌得嘅善款唔會扣除任何開支，全數撥捐俾超過 160 間社福機構。
另外，今年除咗有本地插畫師 hohohola 充滿正能量嘅宣傳設計，仲有歌手 Yan Ting 周殷廷 YT 同 李靜儀 Heidi Lee 參與宣傳片嘅拍攝！想同佢哋一樣，以充滿個人特色嘅衣著支持公益金便服日？立即報名參加啦！
圖片及資料來源：
香港公益金