Facesss 聖誕大熱金黃色彩妝品

【 #colourofthemonth 】 聖誕大熱金黃色彩妝品

金色係高貴、華麗、輝煌嘅象徵，同時都代表著溫暖與幸福☀，世界各地多數國家嘅皇族都會用金色嚟製作服飾。因為黃金嘅顏色係金色，所以金色亦代表金錢、財富嘅意思。今個月就一齊試吓用金黃色嘅化妝品，打造一個金光閃閃嘅聖誕造型，散發光芒四射嘅魅力啦！

BOBBI BROWN 4 色柔絲炫彩眼影盤
呢款受派對啟發嘅 BRONZE 色調，一定可以為你嘅假期增添光彩。佢用咗獨特而絲滑嘅配方，可單獨或叠加使用，輕鬆打造最突出的眼部效果。

DECORTÉ 8 色眼影盤
包裝以金色同黑色為主，整體眼影顏色屬於紅棕色系，一盒有齊有啞光同珠光嘅質地，每一隻色都好容易配搭，係好實用嘅眼影盤。

DIOR 高級訂製五色眼影 – GOLDEN NIGHTS 珍藏版
經典眼影組合高級訂製五色眼影綴以細膩而高雅嘅雪花圖騰，Golden Nights 系列嘅 549 Golden Snow 由香檳粉紅、白金、古銅金及絲絨啡調圍繞純淨黃金色，係今個聖誕必買嘅優雅單品。

ESPRIQUE Select Eye Color N Jewelry Box
鑽石般閃耀嘅限定6色組合，配合天然嘅鑽石粉末同珍珠粉末，就好似打開寶石盒咁靚咁閃耀，幫你打造優雅閃閃眼妝！

M.A.C 粉雪煙火 12 色星光派對眼影盤
眼影盤以光芒燦爛嘅 12 星座為靈感，由鮮玫瑰色、莓果色、晶亮銀、鑽金色到玫瑰金色，每一格色彩都散發不一樣嘅魅力，折射著鑽石般精緻嘅光芒。好似隨身百變寶盒一樣，令人隨手轉換唔同形象。

TOO FACED 南瓜烘焙香氣眼影盤
超可愛嘅聖誕限定彩妝系列以「香甜糖果世界」為主題，帶嚟南瓜眼影盤為南瓜派節 (National Pumpkin Pie Day) 慶祝，18 種和暖南瓜奶油色調，備有金屬、啞光、珠光妝效，好似新鮮出爐嘅香脆南瓜派咁吸引！