8度海逸酒店 x Häagen-Dazs清新果香下午茶

去酒店食下午茶除咗可以品嚐到精緻美食，仲可以享受埋酒店優美嘅環境！ 由即日起至11月30號，8度海逸酒店大堂嘅8度餐廳同埋2樓池畔廊及花園茶座會聯乘Häagen-Dazs推出「清新果香下午茶」，畀你同摯愛好友置身喺優美嘅花園 品嚐多款以時令水果入饌嘅美點 配埋啖啖真果肉嘅Häagen-Dazs哈密瓜雪糕 色彩繽紛之餘亦有豐富口感。每位客人仲可以免費享用熱情果冰沙一杯添！即刻去8度海逸酒店嘅e-shop預訂，就可以優惠價$98享用！