閃耀東區夜飛龍 打卡送精美禮物

【18區日夜都繽紛@閃耀東區夜飛龍 5.11 盛大登場】位於筲箕灣譚公廟係本港最古老嘅譚公廟之一，為咗慶祝每年農曆四月初八嘅「譚公誕」，東區將於9-17/5期間舉行一連串盛大慶典活動。

為響應「18區日夜都繽紛」，東區民政處聯同東區區議會轄下提振地區經濟專責工作小組及筲箕灣社團聯會，首度喺譚公誕加入晚間賀誕活動「閃耀東區夜飛龍」，特製全港最長巨型夜光舞龍，由東區文化廣場巡遊至筲箕灣東大街一帶，聯同嚟自多隊醒獅隊伍，向市民送上祝福。今次活動仲有超過間東區商戶鼎力支持，提供唔同食肆及購物優惠，振興地區經濟。詳情請「碼」上掃海報嘅QR Code。

活動仲有另一個重頭戲就係邀請數百東區居民以特別嘅龍造型裝扮參與巡遊，以「最多人參與的充氣龍聚會」，首次為東區創造健力士世界紀錄。

詳情如下：

地點：東區文化廣場
日期：2024年5月11日（星期六）
時間：下午3時至6時

內容：民間工藝攤位、即影即有攝影、地道美食、攤位遊戲、漢服體驗、霓虹燈打卡熱點、舞台表演
時間：下午7時至8時
內容：全港最長夜飛龍巡遊，見證數百東區居民齊心協力創造健力士世界紀錄

以上活動費用全免，入場打卡並上載至社交媒體，可獲精美禮物乙份。11/5約定大家！