【你對SEN青少年嘅 #賭博風險 有幾了解？】手機遊戲、課金抽卡、扭蛋、抽獎……呢啲常見嘅活動，其實有唔少元素同賭博有相似之處。
#類賭博行為 係指帶有賭博特徵（例如靠運氣、有獎品），但唔涉及直接金錢下注或兌換現金嘅活動，例如夾公仔機同遊戲內嘅抽獎機制。有特殊需要（SEN）嘅青少年，因發展特性、情緒調節同社交理解方面可能面對挑戰，所以佢哋更容易接觸到同賭博相關嘅行為，而呢個情況亦較難被察覺。
為提升公眾關注，協康會 將於裕民坊舉辦「#智理錢程」社區推廣活動，透過互動攤位及小型展覽，同大家一齊認識SEN青少年可能面對嘅類賭博風險。
協康會亦準備咗一份「智理錢程小測試」網上問卷，一共10條是非題，等大家事先睇下自己對以上議題嘅認識程度
*此問卷為社區推廣活動一部分，旨在以互動方式提升大家對SEN青少年賭博風險嘅關注同認識。
完成問卷後，只需截圖保存畫面，在活動期間到「智理錢程」攤位出示截圖，即可換領 #精美速乾毛巾 一條。
攤位詳情
日期：2026年2月8日（星期日）
時間：上午11:00至下午5:00
地點：觀塘裕民坊 UG 大堂
更多攤位活動將稍後公布，敬請密切留意～
謹慎理財‧判斷風險‧自主人生
計劃由平和基金贊助
圖片及資料來源：
協康會