香港文化博物館 「善道同行」展覽 免費獲贈 「愛心豬仔」錢罌或便簽簿紀念品

【最新展覽】「善道同行東華三院籌募文化與社會發展」

東華三院自1870年成立以來，一直為香港人提供醫療、教育及社會服務，積極為海內外華人提供賑災、原籍安葬、難民救濟等人道支援。東華三院每年都會舉辦不同類型嘅籌募活動，由創院初期嘅沿門勸捐，戰後嘅紅伶義唱、慈善遊藝大會同電視籌款，到近年透過社交網絡平台募捐嘅籌募活動，呢啲籌募活動不但培養大眾嘅慈善意識，亦透視出不同年代嘅香港社會民生面貌。

由即日起，大家嚟到香港文化博物館參觀「善道同行」展覽，就可以透過200多項珍貴文物同歷史圖片，從東華三院籌募文化嘅角度，了解香港社會發展，重溫承載當中嘅集體回憶。

參觀展覽嘅觀眾，可獲贈「愛心豬仔」錢罌或便簽簿紀念品一份，數量有限，送完即止。