Good Mask Premium系列平面 琥珀黃色口罩自願回收安排

【Premium系列平面｜琥珀黃色口罩自願回收安排】

最近收到消費者委員會最新嘅報告，抽驗結果顯示 Good Mask Premium系列琥珀黃色平面口罩（成人中碼 175x95mm｜批次為2021年05月生產｜琥珀黃色），未能完全達致 Level 3級別。

作為一個以客為本嘅公司，Good Mask 一直以嚟都會不定期進行隨機抽檢，以確保可以提供優質嘅香港製造口罩。而同期於2021年07月我哋亦都做咗一份詳細抽檢，檢測機構到Good Mask 嘅貨倉隨機抽取39款產品作檢測，報告指出全部產品均達致 Level 3級別。而最新2022年7月的年檢報告，同時亦抽樣檢測不同款式的口罩，亦同樣能達致 Level 3級別。

為能夠精益求精作出提升，Good Mask 己經即時進行內部安排：
1）回收門市所有Premium系列琥珀黃色口罩（所有尺碼）及於網上下架，統一進行銷毁；
2）同步進行內部檢討：從採購、生產、製造、到QC，整個流程重新檢視；3）現正引入測試儀器（包括 PFE Tester、合成血液測試器、壓力差距儀），進行雙重測試程序：第一重測試-定期自行抽樣測試，第二重測試-再交予檢測機構進行隨機抽樣測試，希望能更有效確定我哋的口罩品質。

Good Mask作為一間承傳香港製造同盡責嘅公司，對於今次嘅報告，除咗對內檢討希望能夠做得更好，同時亦會為大家安排回收同更換口罩安排，詳情如下：

回收產品：
Premium 系列｜琥珀黃色平面口罩｜任何尺碼｜包括30片及50片裝

更換流程：
1） 由即日起至2022年09月30日
2） 憑購買單據或拎住回收產品嘅口罩包裝紙盒到Good Mask 任何一間門市（己開盒亦可更換）
3） 即時換領相同盒數的口罩（憑單據上的盒數或口罩包裝紙盒嘅數量計算）
4） 可以挑選任何款式及尺碼以作更換

是次回收僅涉及以上「回收產品」，並不影響Good Mask 其他產品，本公司重申所有產品皆符合所標示之標準，顧客可安心配戴。

最後，Good Mask 真誠作出以上嘅內部檢討同口罩回收更換安排，希望能繼續為香港人帶嚟安心同保障。