香港街市免費派發口罩給予學生

尋尋覓覓、頻頻去撲‍‍經過多少努力，香港街市終於撲到100,000個口罩喇！將會喺港九新界全線香港街市免費派發，與學生哥並肩抗疫

身為社區一份子，緊貼市民生活，香港街市希望同大家一齊跨過疫境喺全球物資供應緊張、成本上升嘅情況下，香港街市連日出盡奶力左撲右撲終於成功搜羅10萬個口罩喇！現正努力安排運輸，預計喺星期三前送達各街市。雖然學生哥呢段期間唔使返學，但都要有健康身體，香港街市會免費派發口罩俾持有學生證/學生手冊嘅朋友，為同學仔打打氣！

口罩已送抵「香港街市」全線街市喇！將於3月25日上午11:30 #派籌，中午12時 #派發口罩 。我哋會派俾持有效學生證或手冊嘅 #幼稚園、#小學、#中學、#大專學生，可由家長代領，每人限取1份個口罩。更多口罩資訊： bit.ly/2T4Wjuj

為安全起見，現場有工作人員會為排隊人士量度體溫，麻煩遵從工作人員指示請大家唔好提早排隊，盡量縮短等候時間‍。如上午11:30前已額滿，或太多人聚集，*有機會*提早派籌及派發口罩。詳情如下：

日期﹕2020年3月25日（三）
時間﹕11:30am派籌，12pm派發口罩
對象﹕幼稚園、小學、中學、大專學生，需出示有效學生證或手冊（可由家長代領，亦需出示子女學生證或手冊）
派發口罩數量：每人限取1份10個口罩（以人頭計算）。數量有限，先到先得，派完即止。

23個「香港街市」 派發位置 及 名額

沙角市場名額700位（正門 – 鄰近麵包店的入口）
青衣市場-長發名額700位（面向青雅苑的街市入口）
啟田市場名額600位（正門 – 鄰近扶手電梯的入口）
慈雲山市場名額550位（正門 – 鄰近麵包店的入口）
恆安市場名額550位（正門 – 鄰近扶手電梯）
香港街市-逸東邨名額550位（正門 – 鄰近人力車的入口）
隆亨市集名額500位（正門 – 鄰近報紙檔的入口）
良景市集名額600位（鄰近報紙檔的入口）
寶林市場名額500位（正門 – 鄰近五金舖的入口）
華明街市名額500位（小食街外，鄰近巴士站及天橋底）
T MARKET-頌富名額500位（正門 – 鄰近「包點先生」的入口）
天瑞街市名額500位（鄰近「正記」的入口）
太和街市名額400位（鄰近「正記」的入口）
本灣市場-小西灣名額400位（正門 – 鄰近巴士站的入口）
廣源市場名額400位（正門 – 鄰近「包點先生」的入口）
寶達市場名額400位（鄰近「恩記粥品」的入口）
竹園市場名額400位（鄰近「小雄批發」的入口）
香港街市-寶盈名額250位（正門）
香港街市-大角咀名額200位（正門）
葵盛東街市名額200位（正門入口旁）
啟業市場名額200位（正門 – 鄰近小食街的入口）
香港街市-順天名額100位（正門 – 鄰近海鮮檔）
茵怡市場名額100位（正門 – 鄰近報紙檔的入口）

仲有個好warm嘅消息 我哋已送出2000個口罩俾博愛醫院陳潘佩清紀念幼稚園、博愛醫院文柱石家庭多元智能中心，由學校直接分發到同學仔手上。