海洋公園 家姐細佬 大熊貓雙胞胎百日慶

【家姐細佬百日慶典派對 】大熊貓雙胞胎百日慶 全園狂賀百日之喜

愛心預告！家姐細佬就快滿100 日喇！海洋公園為咗隆重其事，將會喺 11 月 23-24 日全園大搞百日慶，呈獻一系列熊貓主題嘅驚喜活動 ！各位契爺契媽們，一齊搶先睇睇以下活動預告先啦～

樂樂爸爸強勢回歸
喺 11 月 23 日，初為爸爸嘅樂樂已經放完「侍產假」，準備好出嚟同大家見面喇 ！佢嘅好鄰居 — 小熊貓亦會在場支持，熊貓粉絲點可以錯過～

實時直播家姐細佬
大家仲可以喺公園內嘅「威威劇場」透過巨型 LED 螢幕嘅實時直播，一睹雙胞胎嘅可愛日常！一齊過嚟接受佢哋嘅可愛攻勢啦！

**實時直播影像需視乎實際情況而定，兩隻大熊貓雙胞胎可能分別出現在影像中。

大熊貓雙胞胎成長印記
眨下眼，家姐細佬已經由手掌咁大嘅粉紅色 BB 仔，長大成為一對活潑可愛嘅熊貓寶寶喇 ！為咗好好記錄佢哋每個特別時刻，我哋將會舉辦一場絕密相展，俾大家一齊見證佢哋嘅健康成長之路！

「大熊貓雙胞胎百日慶」

活動日期：2024 年 11 月 23 至 24 日
活動時間及玩樂設施如有更改，恕不另行通知。