【海洋公園哈囉喂全園祭2024】Like鬼圍城！可愛鬼喜勢登場！
入得嚟 #厲鬼圍城，就係自己人，我哋唔會「大細超」嘅！
今次海洋公園除咗籌備咗「六大驚嚇體驗」嚇窒一班食咗豹子膽嘅街坊，仲安排咗「十大嘩鬼匯演」等合家歡精彩節目畀大家，照顧埋又要驚但又蠢蠢欲玩嘅細蚊仔！即刻睇《Like 鬼圍城節目巡禮》，率先為你介紹喺哈囉喂全園祭期間上演、重點推介嘅表演節目啦！
魔間狂野 OPPA SHOW
嚟自韓國嘅爆肌猛男團都入咗嚟城寨「搞事」！多位 OPPA 施展渾身解數表演火熱勁舞，狂野演出引起全城騷動，街坊們，睇路！
神功查篤撐、戲棚雜技會師
中式戲班演員喺戲棚上表演氣勢逼人嘅神功戲、雜技高手又嚟到戲棚互相切磋技藝。各位街坊記得提早擔凳仔霸頭位，欣賞霸氣十足嘅表演！
紙紥回魂夜
月黑風高嘅晚上，紙紥公仔回魂組成「早登極樂團」，以搞鬼趣怪嘅動作勁舞一番！各位「紙紥師」到時記得去應援喇！
2024異靈異肆．鬼新娘出嫁
晚上8時24分：時辰到！一聽打鑼打鼓聲，就代表冥婚儀式開始喇！各位街坊到時快啲過嚟迎接呢對新人啦！
屍殺跳舞街
各位街坊初嚟報到唔識路，小心誤闖木乃伊活屍迷陣！佢哋一聽到怪奇音樂，手腳就會不受控制，喺街頭群魔亂舞！
快閃魔魂怪客
嚟自異世界嘅巫女以奇怪又整齊嘅舞蹈向你步步進逼！目無表情嘅快閃突襲，小心嚇到你面青口唇白！
億世家「好盞鬼電器」呈獻：「全民 Trick-or-Treat」
一家大細挑戰盞鬼扑扑糖遊戲，贏晒一年份量嘅糖果返屋企！
鍾意打卡嘅你，萬勿錯過「城寨大戲棚」同「詭魅光影大道」兩個特色打卡位！不過小心，影相記住唔好兩頭擰，小心蠱惑嘩鬼彈出嚟嚇你！
快啲 save 低呢個 Post，到時入嚟同班街坊街里玩晒每一項精彩活動啦！
即刻買飛入場睇Shows兼打卡啦！
圖片及資料來源：
香港海洋公園