期間限定版HKTVmall口罩

【我的天啊口罩機寶寶發脾氣呀】

事發喺今日下午大約4點半，於將軍澳工業邨嘅 Clean room 內，發生一宗不可思議嘅「口罩機寶寶發脾氣」事件。

事緣係，R 小隊呢排馬不停蹄，連復活節假期都日趕夜趕每日起碼做13個鐘，希望生產多‧啲‧口‧罩！點知今日生產期間，口罩機寶寶發生巨響R 小隊兼口罩生產監督(即係打雜)即刻停機，行埋去一睇慘啦，印字嗰個模，「Made in HK」個「HK」突然甩咗出嚟，俾鍘刀鍘到裂咗！

咁點算呀由台灣訂零件，點都要一兩個星期啦生產係唔可以停㗎！所以

1. 生產繼續，但會變咗「期間限定版」HKTVmall 口罩 (雖然可能無咁靚仔但唔影響口罩嘅功能同保護性嘅)

2. R 小隊聽朝一早去搵本地薑幫手，睇吓可唔可以整返好個模。

3. 聯絡台灣嘅口罩機生產商，再訂字模。

雖然一波三折又三折，但係我哋係唔會放棄嘅第一批抽籤嘅3,000盒口罩，會如期進行，報告完畢！

#HKTV #HKTVmall #HKTVmallMask #MadeInHK #香港製造