HKTVmall 尋「罩」他鄉的故事：R 小隊速報 Filter 到咗啦

【尋「罩」他鄉的故事：R 小隊速報 Filter 到咗啦】

上回講到，R 小隊反轉台灣，終於買到部口罩機啦～事隔一星期，又有好消息！

首先解說一下：一個口罩有三層構造，外層係防水不織布，阻隔飛沫同大粒粉塵；裡面嗰層係另一種比較柔軟嘅不織布，吸水並令面部皮膚更舒適。而最重要亦係最難訂嘅係中間嗰層 Filter，作為屏障阻擋病菌。

而今日 R 小隊有：重、大、進、展！最重要嗰層 Filter 已經到貨啦！足夠整超過一百萬個口罩！

距離香港製造口罩又行近一大步！