香港文化博物館 免費展覽 細賞版畫藝術與印藝傳奇

介紹香港文化博物館現正舉行嘅兩個免費展覽之前，先同大家玩個小遊戲，以前嘅自學英語手冊會用廣東話教人講英文，你哋又估吓「口 乜治 衣治」即係乜嘢英文句子呢?睇完展覽或者相片就搵到答案。

「20／20香港版畫圖像藝術展」展示大師經典版畫及年青藝術家新作，觀眾可以從中睇到版畫概念點樣同電腦動畫、立體打印、擴增實境等新媒介融合，亦可以欣賞到版畫技巧如何應用於插畫、設計、小誌及文創產品等創作。

「字裡圖間香港印藝傳奇」展覽為觀眾發掘活字印刷及平版石印呢兩種傳統印藝嘅有趣故事，例如「口 乜治 衣治」就係出自《無師自曉》自學英語手冊。展覽除咗展現快將失傳嘅印刷技巧，亦介紹年青設計師點樣以創意為活字及活版印刷帶來全新面貌，為傳統工藝注入新生命。