康文署 香港特別行政區成立二十五周年 免費玩盡康樂設施

【#慶祝香港回歸25周年】7.1免費玩盡康樂設施

為慶祝香港特別行政區成立25周年，康文署將會喺7月1日（星期五）舉辦「香港特別行政區成立二十五周年——免費玩盡康樂設施」，鼓勵大家多參與唔同嘅體育活動，養成運動嘅良好習慣，同時分享回歸喜悅

大家可以喺6月25日（星期六）上午7時起喺各區「康體通」櫃枱及網上預訂系統以先到先得方式預訂7月1日未被團體預訂嘅康樂設施（屯門康樂體育中心及水上活動中心／度假營「康體通」訂場櫃枱將分別於上午7時30分及8時30分開始提供服務）。由於預期反應踴躍，大家可能喺早上繁忙時段需要較長時間進入網上預訂系統。

提提大家，每人只可預訂一節免收費嘅康樂設施，不論類別。「康體通」系統不會接受市民超額預訂設施嘅申請。至於公眾游泳池則無須預約，大家只需於泳池入口處排隊輪候，先到先得，額滿即止。