天水圍 「歡樂公園Happy@Parks」系列活動 天水樂無窮．天業路公園

【 #慶祝香港回歸25周年】「天水樂無窮．天業路公園」嬉水消暑

慶回歸又有節目推介‼康文署將會喺7月1日於天水圍舉辦「歡樂公園Happy@Parks」系列活動「天水樂無窮．天業路公園」。當日上午9時30分至下午12時30分，天水圍天業路公園人造草地球場將設置大型吹氣滑水梯、迷宮嬉水區、手搖船及水彈床等遊戲設施，畀大家嬉水消暑之外，亦會設有多項有趣好玩嘅嬉水攤位遊戲同照相角等，歡迎一家大細齊參加。

大家可以由今日下午2時30分起親臨分區康樂事務辦事處/設有康體通服務嘅康體場地/康體通自助服務站（請選取「報名參加康樂活動」欄）報名，活動分兩節進行，活動編號分別係40636245（上午9時30分至11時）及40636246（上午11時至下午12時30分）。另有少量名額，可以即場報名參加。

大家出席指定嘅康文署慶祝特區成立25周年活動後，記得喺印章收集卡蓋印，於今年內集齊2個文化節目及2個康體活動印章，即可換領由插畫師設計嘅25周年紀念限量康樂棋一盒，數量有限，換完即止。
詳情 www.25A-LCSDevents.gov.hk

「天水樂無窮．天業路公園」亦係「智方便」獎賞計劃下嘅慶祝活動，當日場內設有「智方便」登記站，協助市民登記「智方便」及領取獎賞計劃電子印花。
詳情 www.iamsmart.gov.hk/25a