粵劇戲寶巡禮北區大會堂

【粵劇戲寶巡禮@北區大會堂】

香港電影資料館早前舉辦「銀光承傳－粵劇申遺十周年」粵劇電影節目，多場放映旋即滿座。資料館現特別精選其中12齣電影，由2月15日至3月22日喺北區大會堂演奏廳放映，以饗更多觀眾。

12齣戲寶包括經資料館修復嘅《蝶影紅梨記》，講述飾演名妓嘅白雪仙同書生任劍輝詩箋神交而相戀，導演李鐵嘅場面調度、唐滌生嘅詞藻同劇本，加上任白、靚次伯同梁醒波嘅演繹，成就呢部粵劇電影殿堂之作。另外，龍劍笙同梅雪詩主演嘅《帝女花》，由吳宇森補回「上表」一折，令電影更貼近舞台原著；而「香劫」一折，則充分表現出其動作片導演嘅風格。

節目詳情：( bit.ly/2Trjukz )