【「發現紅花嶺郊野公園」遠足挑戰 】
「發現紅花嶺郊野公園」遠足挑戰正式開始！一齊體驗紅花嶺嘅獨特風光！
我哋喺紅花嶺郊野公園嘅8個特色景點設置站點，引領大家喺高低起伏嘅山巒中，多角度欣賞紅花嶺嘅生態風光，認識佢嘅獨特之處，同時體驗香港與內地嘅生態風光、一脈相連。
大家先喺活動網站簡單登記，然後去紅花嶺行山，用智能手機係站點打卡，收集紅花嶺電子獎章，仲有打卡相框畀你影相開心share！完成4個或以上站點，就有紅花嶺主題獎品！今個秋冬，一齊發現紅花嶺郊野公園！
活動日期：2024年11月2日－2025年2月28日
提提大家
紅花嶺嘅行山路線有一定難度，一次過完成8個站點需要約5－6 小時，沿途無補給點或退出點！
出發前要留意天氣，計劃行程，注意安全！一定要量力而為，結伴同行先去挑戰呀！
行山有道，記得自己垃圾自己帶走！
圖片及資料來源：
香港郊野公園