【「解鎖港島徑」遠足挑戰開始！】「解鎖港島徑」遠足挑戰今日開始啦！今次遠足挑戰除咗誠邀大家行一次港島徑，仲想大家探索同欣賞港島徑豐富多樣嘅景觀、生物多樣性同歷史。所以，今次去到站點要答啱關於港島徑嘅問題，先可以成功解鎖打卡！
我哋喺港島徑8段每段都設置咗1個站點，介紹嗰段嘅特色，例如生態、地標、歷史建築、二戰遺跡、工業遺址等等，活動網站都有詳細介紹。成功解鎖站點可以獲得該站點嘅特色電子獎章！活動期間，儲齊全部8個電子獎章就可以得到一套8個紀念「真」章加紀念巾一條（數量有限，送完即止），每月仲有特別抽獎送出港島徑摺疊傘畀 Finisher！
即刻 click 入圖睇睇玩法同今次嘅限量紀念獎品！
活動日期 2025年11月13日－2026年2月28日
提提大家
港島徑全長約50公里，總攀升約1400米，一次過全走有一定難度！請根據自己體能及遠足經驗計劃行程，可以分段完成8個站點。
想挑戰都要留意天氣，一定要量力而為，結伴同行，注意安全！行正路，護步道！
愛護動植物，不騷擾、不踐踏、不採摘！
行山有道，記得自己垃圾自己帶走！
圖片及資料來源：
香港郊野公園